Transcription
1
Monsegneur, despuis celles que je vous ay escript du meurtre
2
perpetré à la personne dun subiect de son altesse en sa garnison
3
et tour de Mirebouc par ceux de la nouvelle oppinion qui y ont
4
passé, lon a confirmé estre veritable, et au lieu que lon
5
disoit estre Colombin, dict on estre ung sien sergent de Vars
6
qui a commis ledit forfaict ; et dallieurs, je suis informé
7
quen la vallée de Queyras passe la nuict nombre des
8
estrangers, des suspectz et adherans aux sus n
9
ommez ; et avant-hier à nuyct, estans les consulz de ladicte vallée
10
logez à Arvieu, veneutz en ceste ville pour pourter les
11
ducatz deubz à sa maiesté à monsieur le trezorier ycy
12
venu pour les recepvoir, furent assalliz audict Arvieu
13
par certains inconneuz que lon presumes estre de la nouvelle
14
oppinion de Mollines et aultres quilz ont qudit lieu, extrangiers
15
tant de Freyssinière que daultres partz, lesquelz agresseurs
16
silz ne fussent estez descouvertz par la sentinelle du clochier
17
de leglise dudit lieu, heussent peult estre exequuté leur
18
malheureuse entreprinse, tant contre lesdits consulz que
19
pour havoir lesdits ducatz ; et à la fin, se voyans descouvertz,
20
tirarent lesdits agresseurs trois ou quatre cops darquebusade,
21
comme ont rapporté lesdits consulz qui me sont tous
22
venuz treuver ce jourdhuy et mont dict que les
23
rebelles de Mollines n’ont peu treuver leau quilz cherchoyent
24
dans leglise dudit lieu ou clochier dicelle, laquelle
25
ilz ont fortiffié et vous en ay escript comme dessus.
26
Dieu nous face la grace destre maintenuz très tous en
27
sa bone garde, en ceste ville et ailleurs, et que
28
chescun face en ce le debvoir quest requis comme
29
je ferey de mon cousté en tout ce que me sera
30
[197 v°] possible et quil vous plaira, et à messegneurs
31
de parlement, me commander daussi bon cueur
32
que je prie le Createur vous donner,
33
monsegneur, en prosperité, vie longue. De Brianson,
34
ce XIIe fevrier 1574.